[新聞]【嫁到這世界邊端2】波蘭出名窮? 波蘭人妻親自解答!

TVB真人騷《嫁到這世界邊端2》接近尾聲,攝製隊去到最後一站──波蘭,尋找港女嘉瑩。嘉瑩當年在羅馬遇到波蘭小子Peter,並在三個月後閃婚,隨夫移居波蘭生活,二人更育有兩名可愛的兒子。但港人對波蘭這個國家,一定會有一條疑問「波蘭是不是很窮嗎?」

當年,嘉瑩辭去空姐工作,嫁去波蘭,不少同事都不太看好。她稱:「佢哋話我傻,話波蘭咁窮!」但在波蘭生活至今9年的嘉瑩就表示:「其實我又唔係覺得波蘭咁窮,窮嘅定義係咩呢?雖然呢度啲人收入唔係好高,但相對物價都比較低。喺呢度生活好舒適,環境好過台灣。相比起波蘭,台灣嘅衛生同城市規劃反而都冇做得咁好,但呢度啲人好少買奢侈品。」

波蘭的冬天寒冷、多雲、多降雨,夏天潮濕、多雷陣雨。

其實波蘭是前共產國家,脫離蘇聯獨立至今經濟都未見起色。在2017年各國人均國民總收入列表中,波蘭排名第53,屬於高收入組,而排名第1是瑞士,香港排第12。在波蘭最低薪資每月是480.2歐元,約4000多港幣,而人均收入其實有3000波蘭幣,大約6000港幣左右。

嘉瑩稱當地冇咩華人。

嘉瑩亦透露波蘭貧富差距不大,她稱:「一間大公司,船運公司嘅總監月薪係萬六蚊波蘭幣(約33470港幣),已經係我聽過最高人工。醫生我諗都係幾千蚊。所以,大家可以選擇一啲自己鍾意做嘅職業。」

波蘭曾為德國殖民地,不少和德國相似之處。

問到第一次踏足波蘭時的感覺,嘉瑩稱:「初初嚟波蘭印象幾好,當時係冬天,好凍但成個氣氛都幾平靜。啲人都好親切同友善,所以都印象好好。」而對於嘉瑩在波蘭生活,最難適應的地方就是語言:「天氣就算幾凍都可以著多啲衫,保暖做好啲。但語言真係一個好大嘅障礙,完全聽唔明嘅世界係好弧立無援。由其是,大時大節同朋友聚會,根本係冇人英文可以好到同你暢所欲言。所以,好多時都係得自己坐係度,因為聽唔明白,覺得好無聊又尷尬。雖然有時我老公會翻譯俾我聽,但唔會每一句都會翻譯,好多嘢發生緊但完全咩都唔知,個覺得其實都幾差。」

當地處處花園綠地,僅是華沙就有65座公園之多。

而最喜歡波蘭的地方,嘉瑩講到:「最鍾意呢個地方歧視好少,作為一個新移民,如果生活嚇嚇都低人一等,係會好唔舒服,但波蘭人好怕俾人覺得佢哋歧視,所以都好有禮貌。」

如果您喜歡我們的資訊
有廣告合作的想法與需求, 歡迎與我們聯繫!

我們的 Whatsapp 是
+852 53188700